Nixus

Denne veka hang vi opp boksesekkar i treningslokala (biletet). Min jobb var å bore 12 hol i betongtaket, slå inn boltane og skru fast krokane som sekkane no heng på. Å? bore i betong er tungt i seg sjølv, når det tillegg er i taket tek det endå hardare på. Veldig glad for at vi hadde fått låne skikkeleg verktøy!

I dag har eg mekka på taekwondoutøvarar. Var sanitetsvakt på Vestlandsmeisterskapen i denne koreanske kampsporten. Var ein god del skadar på føter og anklar, men heldigvis ikkje noko alvorleg.

Universitetet har faktisk gjeve oss to veker påskeferie, så undervisninga startar ikkje før måndag om nesten ei veke. Men den ekstra friveka nyttar eg til å få unna litt forskingsarbeid. Sit og skriv på eit kontor med utsikt mot Løvstakken, men med dette vêret er det ikkje så mykje å skryte av.

I dag går det mest i å få på plass nokre referansar. Etterpå skal eg på styremøte i Kampsportregion Vest, og så på trening.

Surfa litt på nettet i kveld, og fann denne tøffe saken. Einar Rasmussen har laga hydrofoilar for racerkajakk. Skal visstnok gjere at ein veltrena mosjonist kan hamle opp med verdseliten. Men ser litt vanskeleg ut å balansere den.

Les meir på http://www.foilkayak.com